Om Arne
Arne er i sekstiåra, tidlegare elektrikar, men overlever no av å vera underhaldar. Stundom humoristar han åleine, andre gonger saman med andre.
Arne Nordbø får mykje latter og applaus som toastmaster i bryllaup, åremålsdagar og selskap. Ja, han er blant Rogalands mest erfarne toastmastarar. Dessutan er han ein gnistrande god konferansier og møteleiar.
Bedehusland og revy
Mange har blitt kjende med Arne gjennom Ryfylke Livsgnist sine «Vandring i bedehusland» og «Drivhus og bedehus». Saman med Tor Øyvind Skeiseid spelar han typar frå bedehusmiljøet, fortel historier og viser rundt på Finnøy.
I tillegg spelar Arne ein av Han Innante sine kammerattar når Han Innante har revy – og det er ofte. Gunvald Tuftene alias Arne Nordbø er den mest pessimistiske personen i vår Ryfylkegalakse, og ser svart på eit mørkt liv. Det blir det god humor av.
Anna engasjement
Arne har vore engasjert i Restauration på Finnøy. Han er også ein ihuga elbilentusiast.